«Ақ мамам»

 атты мерекелік ертеңгілік  

«Балауса» кішілер тобы

Тәрбиешілер: Абишева Н.Б.

Каиргельдиева А.Б,

2021-2022 о.ж.

Мақсаты: Ана жайлы тамаша сөздер, өлеңдер, әндер арқылы аналарды мерекемен құттықтау, балаларды  мейірімділікке тәрбиелеу, ұстазға ата-анаға деген құрмет сыйын арттыру, ана еңбегін қадірлей білуге үйрету.

Барысы:

Зал  көктем  мерекесіне  орай  әдемі  безендірілген. Көңілді әуен қосылып, балалар жүгіріп кіреді. Орындарында тұрып билейді. Әркім өз жұбымен орындарына жайғасады.

Жүргізуші: Біз ғана емес,қадір тұтқан бабалар.
                      Аналардан туған небір даналар.
                      Ана деген тіршіліктің тірегі,
                      Армысыздар,қасиетті аналар!

Сәлеметсіздер ме құрметті қонақтар! Ата-аналар, әжелер, ұстаздар, бүгін көктемнің алғашқы мерекесі 8 Наурыз құтты болсын! Мерекелік ертеңгілігімізді тамашалауға қош келдіңіздер!

Сіздерден өскен балалар
Батырлар мен даналар.
Құттықтаймыз мейраммен, 
Құрметті абзал аналар, - дей келе балаларымыздың  сіздерге арналған әнімізді тыңдайық.

Ән: «Ақ мамам»
(Әуенмен Күннің көзі кіреді)

Күннің көзі: Сәлеметсіңдер ме,  балалар! 
Міне келдім табиғатты оятып,
Күн күркірі нөсерімен тоя түп.
Ағаштардың тамырына қан жүрді,
Жапырағын жасыл түске боятып.
Қандай әдемі болып құлпырып кеткенсіңдер! 

Тәрбиеші: Салеметсізбе күн! Біздің балалардың барлығы да әдемі, ал бүгін ерекше көңілді.

Күннің көзі: Сендер қандай мерекені  тойлап жатырсыңдар?

Балалар: Көктем мерекесін, аналарымыздың, аруларымыздың мерекесін тойлап жатырмыз.

Күн: Балалар, қазір жылдың қай мезгілі?

Балалар: Көктем мезгілі.

Күн: Көктем мезгілінде ауа-райы қандай болады?

Балалар: Жаңбыр жауады. Күн мен түн теңеседі. Күн ұзарып, түн қысқарады. Адамдар жылы киімін тастап, жеңіл кейіне бастайды.

Күн: Жарайсыңдар, балалар! Өте ақылды екенсіңдер.

Жүргізуші: Біздің балалардың барлығы да әдемі, ал бүгін ерекше көңілді. Себебі олар аналарының мерекесіне өз өнерлерін сыйға тартпақшы.

Күн: Иә мен де сендерді құттықтауға өзімнің әсем гүлдерімді әкелдім.Бірақ олар шашылп қалыпты. Қане менің гүлдерім мерекелік тартуымды құмыраға жинап беруге көмектесіндерші.

Ойын: «Гүл жинау»

Жүргізуші: Жарайсыңдар балалар. Ал енді біздің қыздарымыздың қонақтарымызға арнап дайындаған гүлдер биін тамашалайық.

Би: «Гүлдер биі»

 (Әуенмен Ара кіреді)

Ара: Сәлеметсіңдер ме, балалар!

Жүргізуші: Сәлеметсің бе, Ара! Мұнда қайдан жүрсің?

Ара: Мен гүлдерден бал жинап жүрген едім. Осы жерден өтіп бара жатып, әуеннің дауысын естіп келдім. 

Жүргізуші: Балалар, Ара өтіп бара жатып, әуеннің дауысын естіп келген екен. Ендеше Арамызға ән айтып берейік.

Ән: «Айналайын мама»

Ара: Балалар сендер керемет ән айта алады екенсіңдер. Ал үйде аналарыңа қалай көметесесіңдер.Соны білу үшін «кішкентай көмекшілер» ойынын ойныйық.

Ойын: «Кішкентай көмекшілер».

Ара: Қандай керемет. Балалар сендер аналарыңды қатты жақсы көреді екенсіңдер. Сендермен өте көңілді, бірақ маған әрі қарай бал жинауға бару керек. Сондықтан сендермен соңғы рет би билеп кетейін.

Би: «Аралар»                                                                                                                                                                                                          ( әуенмен би соңында ара  ұшып кетеді.)

Жүргізуші: Балалар сендер шаршаған шығарсындар.Кішкене бой сергітіп алайық.

Музыкалық ойын: «Фиксики»

Күн: Балалар , сендер қандай өнерлісіңдер! Ана туралы би де, ән де біледі екенсіңдер Мен сендерге ризамын, мерекені жалғастыра беріңдер , мен қайтайын басқа да күтіп отырған сендер сияқты балалар бар. Сау болыңыздар!
(Әуенмен Күн кетеді.)

Жүргізуші: Балалар қазір көктем мезгілі күн жылынып теңізшілер де қайықтарына мініп суға шығады екен.Бүгін аналар мерекесі екенін естіп олар бүгін бізге қонаққа келіп қапты. Қанекей кішкентай теңізшілерімізді қарсы алайық.

Би: «Теңізшілер»

Жүргізуші: Жарайсыңдар балалар. Қонақтарға балаларымыздың өнері ұнады деген ойдамыз.Осымен көктемнің алғашқы мерекесі 8 Наурызға байланысты әже, аналарымызға арналған ертеңгілігіміз аяқталды. Көріскенше күн жақсы болсын!